улағыш заттардың тұрақтылығы

(Стойкость отравляющих веществ)

улағыш заттардың қорға-нышсыз адам күшін зақымдау әсерін біраз уақытқа дейін сақтау қабілеттілігі. У.з.т. улы заттардың физикалық-химиялық қасиеттеріне (тұтқырлығына, ұшпалылығына және т.б.), ұрыстық жағдайына (сұйық тамшылы, бу түрінде және т.б.), метеорологиялық жағдайларға, жергілікті жердің бедеріне және өсімдік жамылғысына байланысты болады. Жоғары уытты, тұтқыр (жабысқақ) және аз ұшатын улы заттар жоғары тұрақтылығымен ерекшеленеді. Жергілікті жердегі және әскери техникадағы тамшы немесе қатты бөлшек түріндегі улы заттар өзінің зақымдау әсерін бірнеше сағаттан (жаз мезгілінде) бірнеше тәулікке дейін (қыс мезгілінде) сақтайды. Ауадағы бу (түтін, тұман) түріндегі улы заттар зақымдау қабілетін 15—20 минутқа дейін сақтайды, яғни улы заттар бұлттарының таралуы себебінен концентрациясы төмендеуіне дейін зардаптық әсері сақталады.